有見學生放暑假，灣仔飯堂同心盈飯堂便心思思為一班小學生會員舉辦暑期活動。

剛過去嘅星期六，我們邀請了Pane Ones同佢嘅工作團隊Pantone C Urban Art Workshop，到灣仔飯堂進行「青苔塗鴉」工作坊！

青苔塗鴉又稱為「綠色藝術」，以青苔作顏料，取代傳統含化學物質的油漆及噴漆。

製作完成後約兩星期，掃上青苔漆的位置便會長出青苔，只要每星期噴水一次保持濕潤及避免陽光直射，青苔便可健康生長，成了獨特的室內裝飾!

當日小會員都非常認真，與家長齊齊諗、齊齊做！完成工作坊後，小會員答應會每星期噴水，好好照顧青苔。

又有親子時光、又玩足一個上午，仲可以推廣環保，真係3贏呀！